PowerPoint 2007

Ein vanligur feilur, er at Stavarin ikki riggar, tí at knappaborðið ikki er rætt uppsett, hóast føroysku stavirnir verða rætt vístir á skíggjanum. Undir Føroyskt knappaborð er greitt gjøllari frá hesum.

Málkotur

Í PowerPoint ber til at nýta fleiri ymisk mál í einum skjali. Í skjalinum verða málkotur goymdar, sum siga hvørjum máli, teksturin er á, og PowerPoint finnur so út av at nýta tann rætta rættstavaran til teir ymisku partarnar av skjalinum. Tað ber eisini til at velja, at rættstavarin skal loypa partar av skjalinum um í rættlestrinum.

Málið hjá tekstinum, sum vísin stendur á, verður víst niðast í vindeyganum.

Fyri at føroyski rættstavarin skal nýtast, má føroyski teksturin sostatt verða merktur við málkotuni fyri føroyskt. Í Málkotur verða settar á henda hátt:

Tú kanst skifta til eitt ávíst mál við at velja Sprog.
Tú kanst skifta til eitt ávíst mál við at skifta til Windows-knappaborðsuppsetingina hjá málinum.
Tá ið tú hevur flutt vísan (markør/cursor) og byrjar at skriva, verður skift til málið hjá tekstinum, sum stendur framman fyri vísan.
Tá ið eitt nýtt tómt skjal verður gjørt, verður skift til málið hjá Windows-knappaborðsuppsetingini.

Sprog

Vel spjaldrið Gennemse og klikk á Sprog

Hetta vísir ein lista yvir tey mál, ið kunnu veljast. Málini sum rættstavarar finnast til, verða víst við eini lítlari mynd vinstrumegin.

Verður klikt á OK, og ein blokkur av teksti er markaður, fær blokkurin málkotuna hjá tí valda málinum. Er eingin blokkur markaður, verður skift til málið, og tað sum hereftir verður skrivað, fær málkotuna hjá tí valda málinum.

Um Udfør ikke stavekontrol er valt, verður teksturin umlopin í rættlestrinum.

Vel Standard-knappin, um tú skalt velja standardmál, og klikk síðan á Ja, tá ið spurningurin niðanfyri verður vístur.

Rættlestur

Tekstur verður rættlisin við at velja Stavekontrol í Gennemse-spjaldrinum.

Verður komið fram á eitt orð, sum rættstavarin ikki kennir, verður eitt vindeyga opnað.

Ikke i ordbog er orðið, sum er skeivt stavað.

Erstat med er tað, sum skeivt stavaða orðið verður skift um við. Hetta er í fyrstuni tað sama, sum fyrsta uppskotið í Forslag.

Forslag er ein listi við uppskotum um, hvussu tað skeivt stavaða orðið skal skrivast. Í Stillingum ber til at velja, um rættstavarin skal koma við uppskotum, so um hesin listin altíð er tómur, er tað tí at hesin møguleikin er sligin frá.

Ignorer verður valt, um tú vilt hava, at rættstavarin skal leypa orðið um og lata tað standa óbroytt í hesum eina førinum.

Ignorer alle verður valt, um tú vilt hava, at rættstavarin skal leypa hetta orðið um so leingi sum forritið koyrir.

Erstat verður valt, um orðið, í hesum eina førinum, skal skiftast um við tað, sum stendur í Forslag.

Erstat alle verður valt, um orðið, í restini av tekstinum, skal skiftast út við tað, sum stendur í Forslag.

Tilføj verður valt, um orðið er eitt rætt stavað orð, ið skal leggjast aftur at brúkaraorðabókini.

Foreslå útfyllir Forslag við einum lista við uppskotum um, hvussu tað sum stendur í Erstat med kann skrivast.

Autokorrektur leggur orðið og rættingina av orðinum inn í autokorrektur-listan, so at orðið í framtíðini verður rættað, so hvørt tú skrivar.

Stillingar

Opna valmyndina ovast vinstrumegin í PowerPoint-vindeyganum og klikk á knøttin PowerPoint-indstillinger.

Vel Korrektur

Tá ið ein krossur stendur við Løbende stavekontrol, verður teksturin rættlisin, so hvørt tú skrivar. Ein reyð strika verður sett undir orð, sum eru skeivt stavað. Um tú klikkir á eitt skeivt stavað orð við høgra músaknappi fært tú ein lista við uppskotum um, hvussu orðið skal broytast. Við at klikkja á eitt uppskot við vinstra músaknappi kanst tú broyta orðið til hetta uppskotið.

Tá ið krossur er settur við Skjul stavefejl, verður eingin reyð strika sett undir skeivt stavað orð.